peak

Əmək bazarında “ağarma” prosesi davam edir

Mamedmamedov19888 — Thu, 20 Apr 2023 06:58:27 +0000

Dörd ildən çox müddətdə həyata keçirilən təşviq əsaslı vergi siyasəti əmək bazarında əhəmiyyətli dəyişikliklərə səbəb olub. İqtisadiyyat Nazirliyi yanında Dövlət Vergi Xidməti tərəfindən iş yerlərinin rəsmiləşdirilməsi, əməkhaqqı fondunun “ağardılması” və şəffaflılığın təmin edilməsi istiqamətində həyata keçirilən tədbirlərin nəticəsi olaraq, bağlanmış əmək müqavilələrinin sayı 2019-cu ilin əvvəli ilə müqayisədə 353,9 min vahid artıb və 2023-cü ilin aprel ayının 1-nə 1.755,8 minə çatıb. Qeyri-neft sektorunun özəl bölməsində həmin göstərici 298,1 min vahid artaraq 838 min təşkil edib.

The post Əmək bazarında “ağarma” prosesi davam edir first appeared on peak.

The post Əmək bazarında “ağarma” prosesi davam edir appeared first on peak.

“İqtisadi fəaliyyət növləri üzrə vergi münasibətlərinin vahid standartları”nın veb versiyası istifadəyə verilib

Mamedmamedov19888 — Thu, 20 Apr 2023 06:55:31 +0000

Məlum olduğu kimi, fəaliyyət növləri üzrə vergi münasibətlərində vahid yanaşmanın tətbiqi, uçot məlumatlarının dürüstləşdirilməsi və avtomatlaşdırma səviyyəsinin artırılması, vergi ödəyicilərinin vergi öhdəlikləri və digər tələblər barədə əvvəlcədən məlumatlandırılması məqsədilə Dövlət Vergi Xidmətinin əmri ilə “İqtisadi fəaliyyət növləri üzrə vergi münasibətlərinin vahid standartları” təsdiq edilib.

7 rəqəmli fəaliyyət kodlarına və Vergi Məcəlləsində edilmiş dəyişikliklərə uyğunlaşdırılması zərurətindən irəli gələrək həmin standartlar artıq yeni redaksiyada təsdiqlənib, istifadənin əlçatanlığının artırılması üçün “İqtisadi fəaliyyət növləri üzrə vergi münasibətlərinin vahid standartları”nın veb versiyası hazırlanıb (https://bit.ly/vahid-standartlar).

Veb platforma vasitəsilə istifadəçilər, o cümlədən vergi orqanlarının əməkdaşları iqtisadi fəaliyyət növləri üzrə formalaşan vergi öhdəlikləri, o cümlədən vergi azadolmaları və güzəştlər, vergitutma baxımından tətbiq edilməli və tətbiqi mümkün olmayan tədiyyə növləri, obyekt qeydiyyatı, NKA və POS-terminalın quraşdırılması, lisenziyanın alınması ilə bağlı məlumatları asanlıqla əldə edə biləcəklər. Platformada “Vergi ödəyicilərinə göstərilən xidmətlərin vahid standartları” da yer alıb və həmin standartlar üzrə müvafiq axtarış imkanları mövcuddur.

The post “İqtisadi fəaliyyət növləri üzrə vergi münasibətlərinin vahid standartları”nın veb versiyası istifadəyə verilib first appeared on peak.

The post “İqtisadi fəaliyyət növləri üzrə vergi münasibətlərinin vahid standartları”nın veb versiyası istifadəyə verilib appeared first on peak.

Vergi orqanlarına şikayətlərin faktiki sayı 17,8 faiz azalıb

Mamedmamedov19888 — Thu, 20 Apr 2023 06:50:25 +0000

2023-cü ilin I rübü ərzində ümumilikdə vergi orqanlarına 78.398 müraciət daxil olub, bunların 93 faizini ərizələr, 6,9 faizini şikayətlər, 0,1 faizini müxtəlif təkliflər təşkil edib. Müraciətlərin 88,3 faizinin baxılması həmin dövrdə başa çatdırılıb, 11,7 faizi hazırda icradadır. Baxılmış müraciətlərin 66,6 faizi həll olunub, 30,5 faizi barədə izahat verilib, qalanları ilə bağlı müvafiq qərarlar qəbul edilib.

Şikayətlərin faktiki sayı ötən ilin müvafiq dövrü ilə müqayisədə 17,8 faiz azalıb. Həll edilmiş faktiki şikayətin böyük əksəriyyəti kameral vergi yoxlamaları, maliyyə sanksiyalarının silinməsi, qalanları vergi mükəlləfiyyətləri, vergi ödəyicisinin qeydiyyatı, vergi borcları və digər məsələlərlə bağlı olub.

Yanvar – mart ayları ərzində Dövlət Vergi Xidmətinin Aparatında müvafiq vəzifəli şəxslər tərəfindən ümumilikdə 96 vətəndaşın qəbulu təşkil edilib. Qəbul zamanı hər bir vətəndaşın müraciətinə fərdi qaydada yanaşılıb, onların qanuni tələblərinin müsbət həlli üçün lazımi tədbirlər görülüb, həlli imkan xaricində olan məsələlərlə bağlı qanunamüvafiq izahatlar verilib.

The post Vergi orqanlarına şikayətlərin faktiki sayı 17,8 faiz azalıb first appeared on peak.

The post Vergi orqanlarına şikayətlərin faktiki sayı 17,8 faiz azalıb appeared first on peak.